Këngëtarja e dashur për publikun, Jonida Maliqi gjithmonë poston për ndjekësit foto nga përditshshmëria dhe udhëtimet e mrekullueshme.
Këto ditë vjeshte këngëtarja shqiptare ka zgjedhur t’i shijojë në Maresh, Marok ku po provon eksperienca të reja.
Një ndër to ishte edhe mbajtja e dy majmunëve të vegjël të lidhur me zinxhirë, me të cilët postoi edhe foto.
Por ky postim i saj fundit nuk është pritur mirë nga moderatori Eni Shehu.
“Ata majmunë vuajnë pafund në atë gjendje me zinxhirë…janë torturuar që të ‘zbuten’. Imagjino të na lidhin ne e të na përdorin si atraksion turistik…Të lutem e gjithë bota po përpiqet t’i luftojë ata njerëz-kafshë që shfrytëzojnë kafshë të pambrojtura për të nxjerrë para. Pls hiqe atë foto”, ka komentuar Eni.
Por edhe Jonida nuk ka qëndruar indiferente ndaj komentit të moderatorit.
“Zemer nuk e ndryshoj dot fatin e tyre por gjithsesi ishte eksperience shume e bukur”, i ka komentuar ajo.
Nuk dihet se çfarë ndodhi por komentet e tyre u fshinë pas pak minutash.
